NUOVA INVOCAZIONE NELLE "e;LITANIE LAURETANE"e; ;

CONGREGATIO DE CULTU DIVINO ET DISCIPLINA SACRAMENTORUM - Prot. n. 2500/95/L - Romae, die 31 decembris 1995,In festo S. Familiae, Iesu, Mariae et Ioseph

occasione nuper oblata anni internationalis pro familia, petitiones ad Sanctam Sedem pervenerunt ad supplicem Virginis Mariae invocationem saepius habendam, ut in omni domo lux resplendeat eius exempli et unaquaeque familia de eius materna protectione gaudere possit.

Huiusmodi desiderium fideliter resonat magisterium ipsius Summi Pontificis, qui patema sollicitudine pluries monuit de momento familiae christianae, nimis frequenter tantisque modis hodiernis diebus insidiis obnoxiae.

Hisce omnibus attentis, Summus Pontifex IOANNES PAULUS II, petitionibus benigne obsequens, disponere voluit ut posthac in formularium Litaniarum beatae Mariae Virginis, quae “Lauretanae” nuncupantur, inseratur invocatio “Regina Familiae”.

Nova haec invocatio post invocationem “Regina Sacratissimi Rosarii” et ante illam “Regina pacis” erit collocanda.

Quae dum Tecum, E.me Domine, in notitiam et normam communicare placet, occasionem hanc libenter nanciscor ut sensus venerationis meae erga Te pandam.

E.tiae Tuae in Domino add.mus

(ANTONIUS M. Card. JAVIERRE)

Praefectus

(CARMELUS NICOLOSI)

Subsecretartus

_________
Em.mo Domino

D.no Card. Camillo RUINI

Conferentiae Episcoporum Praesidi in

ITALIA

stampa pagina

invia ad un amico